Edith Harxhi ish-zëvendësministre e jashtme dhe pjesë e forumeve të Partisë Demokratike ka bërë një postim aspak të zakontë në ‘’Twitter’’.
Me gjasë një kundërshtim për Bashën ajo ka shkruar në anglisht: Fool me once, shame on you.Fool me twice shame on me! I am and have always been DP..the cause remains but only the cause…time to shake up.
E përkthyer nga mediat si: ma fute njëherë turp për ty, ma fute dy herë turp për mua Harxhi është detyruar të bëjë një ripostim në ‘’Twitter’’. Këtë herë shkruar në shqip.
‘’Më mashtrove një herë turpi yt, më mashtrove 2 herë faji im… unë jam dhe do mbetem PD…kauza mbetet por vetem kauza. Koha për tu shkundur’’, shkruan para pak minutave Harxhi.
Pavarësisht dy mënyrave të të parit në përkthim një gjë është e qartë, çdo ditë e më shumë në rradhët e demokratëve shtohen pakënaqësitë në lidhje me zgjedhjet e Bashës për listat.
Vetëm ditën e djeshme pati katër anëtarë të larguar nga listat e Partisë Demokratike, të pakënaqur me pozicionin që mbanin.
(E.K/SHUPLAKA)
