Kreu i Partisë Socialiste, Edi Rama ironizoi në fjalimin e falënderimit me kandidatët në zgjedhjet e 11 majit, Aleancën për Shqipërinë Madhështore, dhe kreu e PD Sali Berisha.
Sipas Ramës, PD i munguan në këto zgjedhje 200 mijë vota krahasuar me zgjedhjet e 2021 dhe se zgjedhjet e fundit treguar se PS, me këtë opozitë përballë nuk ka më asnjë alternativë sfiduese.
Ua kemi ne fajin madhështorëve që u mungojnë 200 mijë vota se 4 vite më parë, këtë herë i ofruan shqiptarëve për kryeministër një kufomë ambulante me kapelën e Trump dhe i premtuan një magji të madhe si në atë lojën e fëmijëve fluturon-fluturon gomari dhe në fund nuk fluturoi. E ngjitëm PS në shifrën rekord të 856 813 votash afërisht 88 mijë më shumë se në 2021, duke i katërfishuar jashtë kufijve ato 35 mijë vota më pak brenda vendit krahasuar me 2021. Përveç mandatit të 9 të Vlorës që për shumë pak mund ta merrnim më shqiptarët brenda vendit, të 82 mandatet e tjera i kemi marrë këtu ku kemi rifituar besimin e shumicës absolute, siç e parashikuan të gjitha sondazhet. PS kaloi kufirin e 50% duke u ngjitur 4 shkallë e gjysmë nga 48.7% në 53.2% falë edhe një organizimi më të mirë kapilar në territor se sa çdo herë tjetër”, tha Rama
