Kryebashkiakja e Madridit, Manuela Carmena ka ndërmend të vendosë një rregull të ri për banorët e qytetit që ajo drejton. Kryebashkiakja Carmena dëshiron të eleminojë makinat personale në kryeqytetin spanjoll duke flluar kështu nga qendra e tij.
Një një emision radiofonik pak kohë më parë, ajo konfirmoi se bulevardi kryesor “Gran Via” do të jetë i rezervuar vetëm për këmbësorët, biçikletat, autobusët dhe taksitë dhe ky plan do të vihet në jetë përpara se ajo të dorëzojë mandatin në maj të 2019-ës, shkruan The Independent. Po kështu u shpreh se kthimi i këtij bulevardi në një zonë pedonale është pjesë e një plani më të madh që konsiston në eleminimin tërësor të makinave personale nga qyteti deri në vitin 2025.
‘Gran Via” është ndërtuar në vitin 1910 dhe është një rrugë tepër e ngarkuar me 6 korsi që kalon mespërmes qyetit. Sipas qeverisë ky plan është krijuar me qëllim për të ulur nivelin e ndotjes në Madrid. Kryeqyteti spanjoll ka nisur që tani vendosjen e ndalimeve të përkohshme të përdorimit të makiave personale, kur niveli i ndotjes arrin shifra të rrezikshme. (J.V/Shuplaka)
