Gugash Magani i gëzohet barazimit ndaj Skënderbeut në “Niko Dovana”. Trajneri i durrsakëve përgëzoi lojtarët për ndeshjen e zhvilluar, por nuk i kurseu as kritikat ndaj atyre që gabuan.
“Faktikisht sot skuadra ka zhvilluar pjesërisht një ndeshje të mirë. Pjesa e parë ka qenë shumë e dobët për ne. Kur merrnim topin nga ana jonë nuk e kontrolluam mirë. Ndërsa në pjesën e dytë skuadra besoi te aftësitë e veta. Mund të kishim shënuar dhe pësuar gjithashtu. Duke pasur parasysh pozicionin në tabelë nuk është se na shërben shumë një pikë, por duke parë kundërshtarin që ja morën mendoj që ja ka vlejtur”.
Ribaj dhe Bangal
“Ribaj dhe Bangal nuk ishin në nivelin e duhur, por kjo nuk do të thotë që nuk kam besim tek ta, ndryshe nuk do ti kisha afruar në skuadër. Në pjesën e dytë nuk humbëm kontrollin, luajtëm mirë”.
Për ndeshjen
“Ishte presioni i Skënderbeut, për asnjë moment nuk mund të jepja detyra për skaudrën që të qëndronte mbrapa. Po ti linim hapësira do të na ndëshkonte. Sot kemi qenë me fat pasi mund të ishim ndëshkuar.
Rasti i Xhejms
“Duhej të ishim më pragmatist kur ishim ne në sulm. Janë gjëra që ndodhin, duhej të ishim vigjilentë jo vetëm në atë rast por përgjatë 90 minutave”.
Merkato
“Çdo skuadër ka nevojë për organikë më të pasur. Ne do të ndërhjkmë në merkato, dhe pse ajo e janarit është pak e vakët. Do të punoj dhe me lojtarët që kam në dispozicion. Skuadra ka marrë ritmin dhe kjo është gjë pozitive për ne”.
Për penalltinë
“Neve na është mohuar një penallti ne në ndeshjen me Kukësin. Është pjesë e lojës edhe penalltia”.
Discussion about this post