Magazina me 12 tonë kanabis në Përmet, Berisha: Policia e ruante si pronë qeverie…

Pas lajmit për operacionin anti-drogë që zbuloi plot 12 tonë kanabis në një magazinë në Përmet, reagon ish-kryeministri Sali Berisha.

Sipas Berishës, ishte vetë policia ajo që e mbronte magazinën në fjalë, mirëpo zbulimi u bë nga Prokuroria pas informacioneve të qytetarëve.

“Ne nje magazine shteterore te Kanabistanit, ruheshin si prone qeverie 11.6 ton droge! Policia mbronte magazinen, zbulimi u be nga prokuroria bazuar ne informacione serioze nga qytetare antikanabis!”, ironizon Berisha.

Prej disa orësh në qytetin e Përmetit po zhvillohet një operacion i madh anti-drogë. Në një magazinë në në fshatin Pagri të këtij qyteti është zbuluar një sasi e konsiderueshme me lëndë narkotike, prej plot 11 tonë e 850 kilogramë kanabis.

Ndërkohë, pronari i magazinës është shpallur në kërkim, si edhe pesë persona të tjerë, identiteti i të cilëve nuk është bërë i ditur ende.

Mësohet se magazina në fjalë është kontrolluar nga policia edhe rreth 2 muaj më parë. (D.D/Shuplaka)

[ngg_images source=”galleries” container_ids=”1534″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]