Mjafton të kesh një ide dhe të besosh se kjo mund të bëhet e mundur falë vullnetit dhe këmbënguljes, por edhe teknologjia ka bërë punën e saj.
Përmbledhja e disa faktorëve të ngjashëm ka prodhuar një fermë e vërtetë, 14 mijë metra katror e cila do të hapet në Parisin jug-perëndimor, vitet e ardhshme dhe e ëuditshmja e gjithë kësaj ka të bëjë me faktin se bëhet fjalë për një fermë mbi çati që me përmasat e saj do të jetë më e madhja e llojit në botë. Ferma ndodhet mbi plot gjashtë kate ndërtesë, në zemër të kryeqytetit francez.
Dhe kjo duket se është bujqësia e të ardhmes dhe veçanërisht në Paris, të mbjellat mbi çati mund të shihen ngado. Aktualisht, ferma 14 mijë metra katrorë është në ndërtim e sipër dhe parashikohet që të hapet në pranverë të 2020-s ku planifikohet të rriten më shumë se 30 lloje të ndryshme bimësh.
Nga kjo fermë do të prodhohen rreth 1 mijë kg fruta e perime çdo ditë, në kulmin e sezonit. Për të do të kujdesen rreth 20 kopshtarë duke përdorur metoda tërësisht organike.
Qëllimi është që të shndërrohet në një model global. Aja do të ketë edhe restorantin e saj dhe një bar me kapacitet prej rreth 300 personash si dhe është e panevojshme të thuhet se menuja do të mbajë produkte sezonale të rritura në vend.
Discussion about this post