Të enjten e 5 Korrikut, gjatë një seance të gjatë pas shumë sherreve dhe polemikave maxhoranca miratoi ligjin për prishjen e Teatrit Kombëtar.
Ligji u miratua me 75 vota pro, ndërkohë që ministri i Diasporës Pandeli Majko pak para se të votohej ligji u ngrit dhe u largua nga salla, duke mos e votuar.
Kjo gjë shkaktoi dhe debate mes tij dhe kryeministrit i cili ju drejtua Majkos se “Nëse nuk voton si ne, ik në shtëpi”, duke marre si përgjigje “që nesër, që nesër”.
Ndërkohë që kanë kaluar disa javë nga ajo seancë, Majko nuk ka reaguar më për çështjen e Teatrit Kombëtar.
Ditën e sotme Pandeli Majko ishte i pranishëm në Komisionin e Jashtëm ku u diskutua projekt rezoluta për reformën për diasporën, por nuk tha asnjë një fjalë për Teatrin apo për ndonjë qëndrim të tij, edhe kur gazetarët e kryqëzuan me pyetje.
Ndërkohë që heshtjen e ministrit Majko e ka provokuar pa rezultat kryetarja e Komisionit Mimi Kodheli e cila thumboi ish ministrin me batuta në distancë.
“Fillimisht ‘karta kanta’, thonë latinët, pra duhet shkruar në kartë dhe pastaj duhet zbatuar. Nuk jemi këtu për të paragjykuar. Jemi këtu për të hedhur në kartë gjëra të drejta e të mira, pastaj padyshim që ndaj të njëjtin opinion me zonjën Hajdari, do të vijë një vit më mbrapa…Uroj që ministri të jetë po zoti Pandi, e them për skaramanci ministër dhe pas një viti ju të mund të raportoni me seriozitetin që ju karakteriozn se çfarë kemi bërë me këto karta që miratojmë sot”, deklaroi Kodheli.
Gjatë kohës që Kodheli ironizonteministrin Majko, zonjat deputete të partisë Socialiste, të cilat ishin të pranishme në Komision, buzëqeshnin me zell, duke aprovuar në një farë kuptimi fjalët e kryetares.
Edhe më herët Majko ka pasur përplasje me Mimi Kodhelin. Shkak për këtë është bërë një amendament i bërë nga Adnor Shameti për rregullimin e një neni dhe që u mbështet nga ministri i Diasporës, Pandeli Majko, por që ka hasur në kundërshtimet e grupit parlamentar.
Fillimisht Mimi Kodheli e më pas Taulant Balla kanë kundërshtuar amendamentin me argumentin se nuk kishte ardhur në kohë, duke kërkuar që të rrëzohet. Pikërisht rrëzimi i atij amandamenti bëri që ministri i diasporës Majko të përplas karrigen dhe të largohet i irrituar nga salla.
(M.Q/Faxweb.al)
