Pandeli Majko, deputeti i PS-së ka debatuar me kreun e KQZ-së, Denar Biba. Të dy janë bërë pjesë e debatit ditën e sotme gjatë seancës dëgjimore për raportin vjetor të Komisionit Qendror të Zgjedhjeve.
“Nuk mund te dalesh nëpër banaqe televizive dhe të japësh mendime personale, për çadrën, për politikën dhe Gjirin Persik”, i është drejtuar Majko, kreut të KQZ-së.
Majko i ka theksuar Bibës se nuk është serioze kjo gjë, duke u drejtuar se “po krijon konfuzion në publik me deklaratat qe po bën”, shkruan një portal online.
DEBATI
Majko: Komisioni Qëndror i Zgjedhjeve ka një opinion, i cili merret me votim. Jo të dilni në kanale të ndryshme e të jepni mendime të ndryshme për çështje të ndryshme.
Ndërhyn Biba për sqarim por fillon përsëri Majko.
Majko: Merreni si vërejtje dashmirëse këtë. Ju lutem. Nuk ka për një anëtar të KQZ, qoftë edhe për ju si kryetar, një histori banaku, që ju flisni që nga Reforma Zgjedhore, nga cështjet politike, nga arsyet pse ka hyrë dikush në cadër e pse është jashtë, e per çshtjet e Gjirit Persik, ju keni një podium quhet zëdhënënia e KQZ që të jepni mendimin e të thoni ky është mendimi i shumicës, ky është mendimi i pakicës e kaq.(J.V/Shuplaka)
