Deputeti Pandeli Majko ka reaguar ndaj deklaratës së ministrit të Jashtëm të Serbisë, i cili ka thënë se shqiptarët e diasporës kanë planifikuar rrëmbimin e ambasadorëve serbë.
Në një postim në profilin e tij në Facebook, Majko bën paralelizëm me deklaratën e një gjenerali të ushtrisë Austro – Hungareze për tregtarët e Beogradit të mishit të derrit ku thoshte se: Përpiqen të të mbushin mendjen sikur derrin e kanë rritur në guzhinë dhe jo në mes të baltës…”
Postimi:
“Ministri i Jashtëm i Serbisë, Daçiç ka deklaruar se diaspora shqiptare planifikon të marrë nën kontroll një nga objektet e misioneve diplomatike apo konsullore të Serbisë. Ai ka paralajmëruar që politikanët shqiptarë “të mos luajnë me zjarrin”… Dikur një Gjeneral i ushtrisë Austro – Hungareze për tregëtarët e Beogradit të mishit të derrit thoshte se: “Përpiqen të të mbushin mendjen sikur derrin e kanë rritur në guzhinë dhe jo në mes të baltës…” Historisë nuk i ka munguar sensi humorit kur tentoi të zëvendësojë Vjenën me Beogradin. Diplomacia nuk është paturpësi. Serbia meriton më shumë”, shkruan Majko. (J.V/Shuplaka)
