Majko komenton vizitën e Yee: Shuplakë për atë që hiqet më trimi

Deputeti Pandeli Majko nga një takim me të rinjtë e Njësisë 5 ja komentuar dhe viztën e zyrtarit të lartë amerikan Yee në vendin tonë dje.

Ai është shprehur se ato që ai ka deklaruar nuk janë një shuplakë për shqiptarët po për ata që bllokojnë vendin prej muajsh.

‘’Është e padiskutimtë, Shqipëria nuk do të shikohet si një shtet normal kur opozita bën një rezistencë të tillë, bën një aventurë të tillë, deklaron se nuk do të hyjë në zgjedhje.

Por është po kaq e paprecedentë që të vijnë të gjithë përfaqësuesit e perëndimit, dhe të thonë – ashtu!? Nuk do PD të hyjë në zgjedhje?! Dakord. Ne do t’i njohim zgjedhjet, edhe sikur PD të mos hyjë!

Kjo nuk është shuplakë, nuk është shuplakë për Shqipërinë. Kjo është shuplakë për ata të cilët mendojnë se ai që hiqet më trimi, ai që bën anti-mitingun më të madh, ai që di të bëjë rrëmujën më të madhe, ai që di të bëjë konfliktin më të madh, ai që do të bëjë rrëmujë edhe disbalancim të shtetit shqiptar, ai, “i pari i fshatit”, ai dhe vetëm ai, mund të jetë ai që do të vendosë gjërat’’, deklaroi Majko. (E.K/SHUPLAKA)