“Kur do të flasim?!” Pas studentëve, Edi Rama këtë thirrje duket se ia ka drejtuar dhe opozitës, deputetët e zgjedhur të së cilës në qershor 2017 tashmë janë pa mandat.
Bllokimi i jetës politike në Kuvend, protestat dhe incidentet e njëpasnjëshme duket se e kanë vënë të parin e qeverisë nën presion të dyfishtë, nga opinioni i brendshëm dhe ai i ndërkombëtarëve.
I pyetur nëse do të jetë kryeministri i qeverisë tranzitore Pandeli Majko ka sqaruar se kjo nuk do të jetë pjesë e diskutimeve mes palëve.
“Kjo qeveria tranzitore nuk hyn tek shprehja “kur do flasim”, ka qenë reagimi i vetëm i Majkos.
Po kush do të negociojë për të afruar palët në tavolinën e bisedimeve?
I përfolur së fundmi në rolin e ndërmjetësit është dhe emri i presidentit Meta. Ndërkaq dhe mazhoranca duket miratuese.
“Pse mos të negociojë presidenti Meta, kushdo që nxit dialogun është i mirëpritur”, përfundoi Majko.
