Ministri i Diasporës, Pandeli Majko, ka publikuar në rrjetet sociale foton e një varri të vjetër në Kanada që, sipas tij, dëshmon për praninë e shqiptarëve në Amerikën e Veriut, konkretisht në Ottawa që prej shekullit të 19-të.
Majko shkruan se në faqen “ny Heritage” gjenden të dhëna për shqiptarin Sulejman Aliraj, lindur në Kaninë të Vlorës më 2 shkurt 1814 dhe ndarë nga jeta në Ottawa, Kanada në vitin 1869, dhe se mbi pllakën e varrit të vjetër shkruhet “Aroftë Shqipëria”.
Ndërkohë ka qenë një emigrant i cili ka komentuar poshtë statusit të ministrit ai I cili pretendon se Majko i ka vendosur të dhënat gabim.
Sipas komentuesit, Sulejman Aliraj ka lindur ne vitin 1914 dhe është ndare nga jeta ne vitin 1969, pra data e publikuara nga Majko, janë zhvendosur fiks një shekull prapa.
Më tej ka qenë faqja “flasshqip.ca”, e cila ndërsa publikon një foto të pllakës së varrit, shkruan se në të shkruhet “Rroftë Shqipëria” dhe jo ‘’Aroftë Shqipëria’’, sikurse pretendonte ministri Majko.
