Në takimin e sotëm në Akademinë e Arteve, të organizuar nga grupi kundër Bashës, deputetja Majlinda Bregu ka deklaruar se nuk do votojë nesër për kreun e PD-së, madje u ka bërë thirrje edhe demokratëve që të mos votojnë nesër.
“Fatkeqësisht koha më dha të drejtë. Kjo as nuk më bën të ndjehem mirë, asnuk bën asnjë demokrat të ndihet i fituar. Kjo rryma vetëshkatërruese që ka mbërthyer PD, zgjedhja e kryetarit, listës elektorale, vendimmarrja nëpër forume. Kryetari zgjidhet pa garë, forumet janë liruar në mënyrën më të shëmtuar.
Nuk mund të krenohemi për humbjen sikur të ishte një triumf. Kjo parti është përballur me qeverinë që i ka vrarë deputetët në mes të Tiranës…
Kjo nuk është një betejë personale, do të pranoja këtë gjykim nëse do kisha folur pas listave të tij.
Na u dashka që në çdo hummbje të shpallim një akt triumfues. Kjo nuk është betejë personale për të zëvendësuar Bashën me një emër tjetër. Do doja shumë që sonte të isha gabim. Do doja të isha gabim, por mendoj se PD do dalë akoma më e dobët në zgjedhjet e nesërme. Që të jem e sinqertë me ju, sot nuk konformohem as me ata që më dhanë të drejtë me vonesë. Nesër unë nuk do të votoj, nuk marr dot vendim dhe për ju. Por ju them që vota nesër nuk ka asnjë vlerë. Të më ndjejë zoti Selami për të cilin kam respekt, një parti që nuk bën dot për bashkimin brenda vetes, nuk bën dot për Shqipërinë.
Pse nuk kanë besim qytetarët te PD-ja e sotme? Për të ndryshuar Shqipërinë, demokratët duhet të ndryshojnë PD-në.”, ka deklaruar deputetja Bregu. (D.D/Shuplaka)
