E mbetur tashmë jashtë politikës aktive, Majlinda Bregu ka zgjedhur që të flasë në studion e “Pasdites në TCH” dhe për marrëdhënien e saj me të motrën, Ornelën.
Ato vazhdimisht janë shprehur për një lidhje të ngushtë mes tyre dhe jo pak herë janë shprehur mjaft ngrohtë për njëra tjetrën edhe publikisht.
Raporti mes motrave nuk mbaron kurrë, veçon Bregu, njësoj si raporti i nënës me fëmijët. Kështu e sheh edhe Majlinda raportin me dy motrat e saj, por specifikon edhe disa detaje që nuk ua paskemi ditur.
“Ne të tria ngjajmë tmerrësisht në zë, nuk na dallon kurrë nga telefoni. Po të duam të manipulojmë dhe të folurin, na ngatërron dhe mami’,- rrëfen Bregu me të qeshur duke theksuar se ato janë gati identike në natyrën e tyre, por mund të dallojnë vetëm kur marrin vendime. Ornela, p.sh., është ajo që i merr vendimet në kohë rekord: “Ornela merr vendime në të 100-at e sekondës, aq sa mua më çmend. Aq e urtë sa duket, aq ekspresive është”, thotë Majlinda.
Kush e di se si është ndier Ornela kur e ka dëgjuar të motrën nga ekrani.
Ndërsa motra e madhe është një natyrë më afër Majlindës, ajo që vazhdon akoma t’i urdhërojë dhe të jetë një lloj komandateje, meqënëse është më e madhja. (E.K/SHUPLAKA)
Discussion about this post