Nëse na bëri përshtypje rasti i fjalimit të Majlinda Halilajt, që ishte plot me gafa dhe e kishte vjedhur nga ish-deputetja Jorida Tabaku, na duhet t’iu themi se raste të tilla gjen me shumicë dhe në qeverinë shqiptare.
Pasi kemi parë kryebashkiakë dhe kryeministra, pse jo dhe deputetë, që kopjonin qendrimet në foto të ish-presidentit Obama, tashmë idenë e vjedhur e kemi pikërisht mu në mes të sheshit Skënderbej.
Prej dy ditësh aty është vendosur një libër, i emëruar si instalacion i ‘Fjalorit të Gjuhës Shqipe’, ndërsa Erion Veliaj e reklamonte si një gjetje të ministres së Kulturës Elva Margariti.
Por për një sy të kujdesshëm dhe sqimatar, që nuk mahnitet nga fjalët e njëshit të Tiranës, dhe arkitektes në krye të Kulturës Elva Margariti, rezulton se ideja e kësaj vepre është vjedhur në Itali.
Bëhet fjalë për qytetin e Firences në Itali, ku një instalacion i tillë është prej kohësh i vendosur.
Edhe aty është i vendosur pikërisht një fjalor i gjuhës italiane (në fotot më poshtë) që çdo qytetar mund të shikojë fjalët që duhen shpëtuar.
Herë tjetër le të jemi pak më kreativë ju lutem, ose ose le të tregojmë se nga frymëzohemi për vepra të tilla në qendër të Tiranës.
SHESHI NË FIRENCE:
(E.K/Faxweb.al)
Discussion about this post