Në mënyrë makabre është ekzekutuar një politikan indian në parkingun e shtëpisë së tij. Ish-drejtuesi i Kongresit në komunën e Bhiëandi-Nizmapur në Mumbai, Indi, Manoj Mhatre, është kapur në flagrancë nga disa persona të paidentifikuar ende.
Ata i janë afruar pas shpine politikanit dhe e kanë qëlluar disa herë në momentin që ai do të futej në makinë. Më pas, e kanë goditur me shkopinj druri dhe shpata të mprehta.
Burime të policisë që kanë nisur hetimin për zbardhjen e ngjarjes, kanë bërë me dije se autorët e sulmit ishin të maskuar, çka e vështirëson identifikimin e tyre. Vdekja e Mhatres është konfirmuar nga shërbimet policore indiane. (XH.A/SHUPLAKA)
