Makina del nga rruga, 2 persona dërgohen me urgjencë në spital

Një aksident ka ndodhur mbrëmjen e sotme në aksin Dishnicë-Çiflig ku automjeti tip “Citroen” ka dalë nga rruga.

Nga aksidenti janë dëmtuar 2 pasagjerë të cilët janë dërguar për mjekim në spitalin e Korçës.

Makina drejtohej nga shtetasi F.D dhe në makinë ndodheshin edhe dy pasagjerë të huaj njëri prej të cilëve është shoqëruar për në spital.

Pasi efektivët e Policisë, i bënë shenjë për të ndaluar, shoferja ka tentuar t’i ikë ‘bluve’ pasi brenda në mjet ka pasur refugjatë klandestinë.

Njoftimi i Policisë:

Korçë/Informacion paraprak

Më datë 27.02.2020, rreth orës 21:25, në rrugën Dishnicë-Çiflig, shtetasja F. D., duke drejtuar mjetin tip “Citroen”, ka dalë nga rruga ku për pasojë janë dëmtuar dy shtetas të huaj, pasagjerë në këtë mjet, të cilët u dërguan në Spitalin e Korçës, ku ndodhen nën kujdesin e mjekëve.Drejtuesja e mjetit, është shoqëruar në ambientet e Komisariatit për veprime të mëtejshme proceduruale.

Grupi hetimor po punon për sqarimin e plotë të rrethanave të ngjarjes.