Makina del nga rruga në Gramsh, vdesin dy persona, 8 të plagosur

Një aksident i rëndë me pasojë vdekjen e dy personave dhe plagosjen e 8 të tjerve, ka ndodhur mbrëmjen e sotme në Grmash, në vendin e quajtur Çekrez.

Paraprakisht thuhet se një makinë fuoristradë tip ‘ML’  ka dalë  nga rruga teksa dy persona të seksit mashkull kanë vdekur. Aktualisht dyshohet se personat që kanë qenë në automjet kanë qenë sirianë.

Tetë të plagosur kanë marrë mjekimin e parë në spitalin e Gramshit, ku ndodhen në gjendje të rëndë.

Për momentin nuk dihen të tjera detaje për ngjarjen e rëndë, ndërsa Policia ka nisur hetimet. Ende nuk ka një reagim zyrtar nga policia në lidhje me ngjarjen.