Makina ‘fluturon’ 50 m jashtë rrugës, një e plagosur niset drejt Traumës (Video)

Një tjetër aksident ka ndodhur në Fushë-Krujë teksa një makinë ka dalë nga rruga duke përfunduar në një distancë prej 50 metrash larg saj.

PPër pasojë është plagosur rëndë pasagjerja e cila udhëtonte në këtë mjet emri i të cilës nuk është bërë i ditur, ndërsa mësohet se është nisur me urgjencë drejt Spitalit të Traumës në Tiranë.

Makina po udhëtonte nga Fushë-Kruja drejt qytetit të Laçit dhe dyshohet se drejtuesi i saj ka humbur kontrollin e drejtimit të mjetit.

Policia ndodhet në vendngjarje dhe po punon për të zbuluar shkaqet dhe rrethanat e këtij aksidenti.

Një aksident tjetër ka ndodhur në Fushë-Milot pasditen e sotme ku janë plagosur drejtusi i mjetit dhe bashkëshortja e tij që ishte pasagjere në mjet.

Informacioni i Policisë:

Rreth orës 15:45, në aksin rrugor Thumanë – Lezhë në vendin e quajtur ” Mbikalimi i Mamurrasit”, shtetasi A.D. duke drejtuar mjetin tip benz ka humbur kontrollin e mjetit duke dalë nga rruga dhe për pasojë është lënduar pasagjeri B.T. i cili ndodhet në spital nën kujdes mjekësor.

Në aksin rrugor Laç – Lezhë në vendin e quajtur ” Fushë Milot”, shtetasi Z.Ll. duke drejtuar mjetin tip benz ka humbur kontrollin duke dalë nga rruga dhe për pasojë janë lënduar vetë drejtuesi i mjetit dhe bashkëshortja e tij pasagjere të cilët ndodhen në spital nën kujdesin mjekësor.

Në të dy vendngjarjet ndodhen grupet hetimore për zbardhjen e rrethanave të aksidenteve.

(F.GJ/FAXWEB.AL)