Makina përfundon në kanal, plagosen 2 maturantë. Një prej tyre në gjendje të rëndë

Një aksident ka ndodhur në aksin Korçë-Voskopojë pasi një automjet ka dalë nga rruga e për pasojë janë plagosur 2 persona që po udhëtonin me të.

Automjeti ka dalë nga rruga duke përfunduar në një kanal ndërkohë që 2 të plagosurit janë dërguar me urgjencë në spitalin e Korçës për të mkarrë ndihmën mjekësore.

Faxweb.al mëson se personat e aksidentuar janë maturantë, ndërsa njëri prej tyre ndodhet në gjendje të rëndë për jetën pasi ka marrë plagë në kokë.

Ndërkohë policia ndodhet në vendin e ngjarjes dhe po heton për shkaqet dhe rrethanat e aksidentit.

Njoftimi paraprak i policisë:

Më datë 28.05.2019,​ në rrugën Korçë-Voskop, në vendin e quajtur “Porta e Gurtë”, ka dalë nga rruga mjeti tip “Benz” me drejtues shtetasin K.K, banues në Maliq, ku për pasojë ka marrë dëmtime vetë drejtuesi i mjetit, si edhe shtetasi O.A, banues në Korçë, pasagjer në mjet.

Të dy shtetasit ndodhen në Spitalin e Korçës, jashtë rrezikut për jetën.

Grupi hetimor po punon për zbardhjen e rrethanave të ngjarjes.