Ndarja nga jeta e Ljarjas, Makri: Puna e tij në rolet e spikatura ka lënë një vulë të pashlyeshme në kinematografinë shqiptare

Eduart Makri kreu u Qendrës Kombëtare të Kinematografisë në një lidhje ‘skype’ për Fax News shprehu vlersimet më të larta për aktorin tashme të ndjerë Rikard Ljarja.

Makri tha se puna e roleve të Ljarjas ka lënë një vulë të pashlyeshme në kinematografinë shqiptare.

“Ruaj kujtimet më të mira për këtë ikonë të kinematografisë shqiptare. Artistët kanë një favor e fiksojnë veten e tyre në imazhet e filmit dhe ruhen për një kohë të gjatë dhe nuk vdesin. Puna e tij e roleve të spikatura dhe të skalituar ka lënë një vulë të pashlyeshme në kinematografinë shqiptare. Ka shumë role Rikardi që kanë lënë gjurmë të madhe. Do të veçoja dy role që më kanë pëlqyre “Rrugë të bardha” dhe “Radiostacioni”.

Ai ka pasur fatin e mirë dhe talentin që ta realizonte, që të luante role heronjsh. Ka role heronjsh të ndryshëm, është një sfidë që të luash role heronjsh dhe Rikardi e ka bërë me shumë sukses.”- tha Makri.