Malaj: Ja tre nismat e mia parlamentare për të ndihmuar gratë

Në studion e Fax News, deputetja e LSI, Nora Malaj, është shprehur se në kuadër të 8 marsit, do të ndërmarrë një nismë me gratë deputete në Parlament.

“Do të ftoj të gjitha gratë deputete në nismën për të ndihmuar gruan shtëpiake.

Së dyti duhet ndihmuar gruaja që lind fëmijë. Mbështetja financiare duhet të jetë mbi 2 milion lekë në mënryë që të rritet lindshmëria. Lindshmëria është ulur aq shumë saqë statistikat e fundit janë të frikshme.

Së treti do të bëjmë një projektligj për gjuhën seksiste jo vetëm në parlament por në të gjithë shoqërinë.” – tha Malaj.

Nora Malaj tha se nëse do të arrihet që kësaj gruaje t’i japet personaliteti duke zgjidhur disa problematika në shtëpi, shoqëria do të ndryshojë.