Trupi i pajetë i vëllait të liderit koreanoverior, Kim Jong-namit, flitet se ka lënë Malajzinë (Malaysia) për tu dërguar në Korenë e Veriut. Burime nga Kuala Lumpur bëjnë me dije se trupi i pajetë i tij nuk ndodhet më në spitalin lokal, por është dërguar në aeroport.
Ndërkohë që flitet edhe se trupi do të dërgohet në Beijing, kryeqytetin e Kinës.
Të njëjtat burime janë shprehur për lëvizje të shumta që janë vënë re në ambasadën e Koresë së Veriut, ku një automjet i ambasadës me disa njerëz brenda është parë të lerë ambientet e saj.
Ndërkaq vijon hetimi për kapjen dhe vënien përpara përgjegjësisë të personave të tjerë të dyshuar për vrasjen e Kim Jong-nam, të moshave 33-57 vjeç, që flitet se janë kthyer sërish në Pyongyang, kryeqytetin e Koresë së Veriut.
Kim Jong-nam u vra rreth një muaj më parë, më 14 shkurt në Malajzi. Flitet se ai u helmua teksa ndodhej në aeroportin e Kuala Lumpurit.
(XH.A/SHUPLAKA)
