Srdjan Darmanovic , ministri i Jashtëm i Malit të Zi, tha se pret që vendi të bëhet pjesë e plotë e NATO-s gjatë një samiti në fund të muajit maj.
Ai i tha agjencisë Reuters se ka siguruar mbështetjen e plotë, 100% nga senati amerikan për tu bërë pjesë e aleancës veriatlantike.
Disa zyrtarë kanë shprehur dyshimet se presidenti amerikan Donald Trump mund të kundërshtojë këtë vendim, për shkak të dëshirës së tij për të përmirësuar raportet me Rusinë, që është kundërshtar i zgjerimit të NATO-s në Ballkan, raporton REL.
“E kuptojmë se presidenti Trump do të bëjë disa përmirësime të raporteve me Rusinë, por nuk shohim shenja të sakrificës së parimeve kombëtare të Amerikës do të ndodhë 100 për qind”, u shpreh ai.
Anëtarësimi në NATO është bërë temë e nxehtë në shtetet e ish-Jugosllavisë.
Javën e kaluar, zyrtarë në Podgoricë thanë se kanë prova se qeveria ruse po ndërhynë me një plan për zgjedhjet parlamentare në tetor. Nga ana tjetër Rusia ka kundërshtuar këto pretendime.
Pas antarësimit të mundshëm të Malit të Zi , ky shtet bëhet fqinji ynë i dytë në aleancën ushtarake të atlantikut të veriut pas fqinjit tonë jugor Greqisë.
(M.D/ Shuplaka)
