Policia e Maliqit, në vijim të punës për parandalimin dhe goditjen e veprimtarisë kriminale të armëmbajtjes pa leje, organizuan dhe finalizuan me sukses operacionin policor të koduar “Kolaneci”.
Gjatë kontrollit të ushtruar në ambientet përreth banesës së shtetasit Jonus Dushku, 64 vjeç, banues në fshatin Kolanec, shërbimet e Policisë gjetën dhe sekuestruan në cilësinë e provës materiale: 1 armë zjarri automatike (kallashnikov), 1 armë zjarri pushkë.
Në përfundim të veprimeve procedurale, shtetasi Jonus Dushku u arrestua në flagrancë për veprën penale “Mbajtja pa leje e armëve, armëve shpërthyese dhe e municionit”.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme procedurale.
Njoftimi i policisë:
Maliq/Kontrolle intensive bazuar në inteligjencën policore, për parandalimin dhe goditjen e paligjshmërive.
Finalizohet operacioni i koduar “Kolaneci”, për goditjen e një rasti të armëmbajtjes pa leje.
Vihet në pranga një shtetas që posedonte 2 armë zjarri (kallashnikov dhe pushkë).
Sekuestrohen 2 armët e zjarrit.
Shërbimet e Komisariatit të Policisë Maliq, në vijim të punës për parandalimin dhe goditjen e veprimtarisë kriminale të armëmbajtjes pa leje, bazuar dhe në informacionet e siguruara në rrugë operative se një shtetas mbante armë zjarri në banesë, kanë organizuar operacionin e koduar “Kolaneci”.
Gjatë kontrollit në ambientet afër banesës së shtetasit J. D., shërbimet e Policisë gjetën 1 armë zjarri automatik dhe 1 armë zjarri pushkë, të cilat u sekuestruan në cilësinë e provës materiale.
Në përfundim të veprimeve procedurale, u arrestua në flagrancë shtetasi J. D., 64 vjeç, banues në fshatin Kolanec, për veprën penale “Mbajtja pa leje e armëve, armëve shpërthyese dhe e municionit”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
