Maliq/ Qëllon me armë zjarri natën e ndërrimit të viteve, arrestohet 25 vjeçari

Dy shtetas janë arrestuar nga policia në Maliq pasi, gjatë natës së ndërrimit të viteve në fshatin Pojan, është qëlluar me armë zjarri në ajër.

Identifikimi i autorëve të dyshuar u bë i mundur, nga grupi hetimore ku ka rezultuar se Enea Leke ka qëlluar me armë zjarri në ajër. Arma e zjarrit tip pushkë model 56 posedohej nga shtetasi Lion Kondi.

Gjatë kontrollit të banesës së Lion Kondit policia e sekuestroi në cilësinë e provës materiale një armë zjarri tip pushkë si edhe një armë gjahu teke, të cilat i posedonte pa lejen e organeve përkatëse.

Materialet i kaluan Prokurorisë të Rrethit Gjyqësor Korçë për veprat penale : “Prodhimi dhe mbajtja pa leje e armëve luftarake dhe e municionit”; “Prodhimi dhe mbajtja pa leje e armëve të gjuetisë dhe sportive” parashikuar nga nenet 278 e 280 të Kodit Penal.

Sot, më datë 04.01.2017, u bë kapja dhe arrestimi në flagrancë i shtetasve Enea Leke, 25 vjeç, Lion Kondi, 22 vjeç, të dy banues në fshatin Pojan, Maliq. (M.Q/Faxweb)