Drejtuesi politik për qarkun e Beratit Lefter Maliqi, i ftuar në Fax News ka theksuar se lirimi i kreut të Partisë Demokratike është një fitore e madhe për demokracinë.
Maliqi është shprehur se tashmë goditja ndaj qeverisë së krimit është drejt fundit.
Ai ka folur gjithashtu edhe për protestën e një ditë më parë ku u bllokuan disa pika kryesore të kryeqytetit ku thekson se misioni u arrit.
“Dje ishte protesta e radhës e mosbindjes civile në 5 pika të Tiranës nën drejtimin e personave drejtues të partisë. Qëllimi ishte bllokimi i akseve kryesore ne kryeqytet dhe gjej mundësinë që të shpreh mirënjohjen për të gjithë ato taksi e makina që kaluan pavarësisht ndonjë rilindësi. Dje ishte finalizimi, që dha edhe motivimin e saj jo vetëm brenda vendit por edhe jashtë në lidhje me atë që thanë dje se unë isha pjesëmarrës në sheshin Willson dhe urdhri ishte që të provokoheshin turmat.
Tashmë është drejt fundit dhe goditja është shumë e forta lajmi i mirë për lirimin e liderit Berisha. Unë kam besimin e plotë se edhe pse e goditën nuk kanë arritur që ta mposhtin. Ai nuk është hakmarrës si person por është hakmarrës ndaj krimit dhe korrupsionit. Sali Berisha ka fituar me frymën dhe për herë të tretë do të kthehet në krye të pushtetit. Vetë e kërkuan rikthimin e tij edhe pse dha dorëheqjen në 2013.
Është një festë e madhe për të gjithë demokracinë dhe qendrestarët e rrugës së lirisë” , tha Maliqi.
Ai ka theksuar se me 6 dhjetor në orën 12:00 opozita do të ketë një protestë pra Prokurorisë së Posaçme.
Discussion about this post