Anëtari i Kryesisë së Partisë Demokratike, Gent Malko i ftuar në rubrikën “opinion”, në “Neës 24”, ëhstë shprehur se kjo forcë politike ka pësuar një çarje pas vendimit të kryetarit Basha për të zhvilluar zgjedhje në parti, në vend që të bëhej analiza e humbjes më 25 qershor.
Ai ka theksuar se nëse PD nuk është e përçarë, por ka pësuar një çarje.
Ndërkohë në lidhje me garën mes Selamit dhe Bashës për kreun e ri të partisë, ai tha se në krye të Partisë Demoratike do të vendoset Lulzim Basha.
“PD jo e përçarë, por ka pësuar çarje. Kur humbëm në zgjedhje PD pësoi tronditje. Por çarja filloi ku në vend që të mendohej për shkaqet që sollën humbjen, por për të bërë zgjedhjet brenda partisë, për t’u rizgjedhur kryetar.
Selami po legjitimon zgjedhjen e Bashës sërish në krye të PD. Basha duket sesa mbështetje ka nga demokratët, në takimet që zhvillon. Selami duhet të kërkonte standardet dhe pastaj të kandidonte. Kur është bërë përzgjedhja e kandidatëve unë kam qenë në mbledhjen e Kryesisë, madje edhe kam ngritur shqetësimin e grupit anti-Basha. Fakti që mbahen dy kandidatura në garë, do të thotë që për ne çdo gjë ishte e qartë që atë natë. Selami nuk do të tërhiqet nga gara, dhe është e qartë që Basha do të rizgjidhet kryetar. Por është e sigurt se do të ketë një pjesëmarrje të ulët në PD”, u shpreh Malko. (S.SH/Shuplaka)
Discussion about this post