Sulmuesi i Liverpool, Divock Origi është shndërruar në tmerrin e kundërshtarëve. I tiji është goli i përmbysjes historike ndaj Barcelonës. I tiji goli i sigurisë në fitoren e finales së Champions League kundër Tottenham.
Të tijët janë golat e realizuar kundër Everton, Wolverhampton, Watford, Newcastle dhe Sunderland në garën e dëshpëruar të sezonit të kaluar në kërkim të titullit kampion në Premier League, por e përfunduar në vend të dytë.
Në të gjithë këtë seri ka një të veçantë të përbashkët. Origi është një dënim i vërtetë për të gjitha skuadrat të cilave u shënon. Në fakt, të gjithë klubet e sipërcituar po përjetojnë një moment krize. Barcelona dhe Tottenham janë larg performancës së sezonit të kaluar. Ndërkohë, Everton lundron shumë thellë, i renditur në një vend anonim sikurse është për blutë vendi i 14-të.
Akoma më keq po e përjetojnë mallkimin e Origit skuadrat si Wolvers, Watford, Newcastle e Sunderland, që të gjitha të angazhuara në garën për të shpëtuar nga rënia në kategorinë inferiore. Kështu, veç cinizmit ekstrem në portë, kundërshtarët e Liverpool do të duhet të shqetësohen dyfish për golat e Origit.
Discussion about this post