Gjatë fjalës së ish-kryeministrit të Shqipërisë, Sali Berisha, nga “Çadra e Lirisë”, ditën e sotme, është shënuar një incident me një qytetarë që shprehu mllefin kundër demokratëve të mbledhur.
Berisha ishte duke akuzuar qeverinë për pushtetin e arritur në sajë të trafikut të drogës, teksa një grua prapa turmës shau me zë të lartë duke tërhequr vëmendjen e të pranishmëve.
“Malokë të qelbur, rroftë Edi Rama, ikni zhdukuni, lugatë, doni të vini në pushtet me shpuarje gomash”, mësohet të ketë thënë gruaja në fotot e publikuara nga “Gazeta Shqiptare”.
I menjëhershëm ka qenë reagimi i të pranishmëve që kanë tentuar ta largojnë, si dhe ndërhyrja e demokrates Majlinda Bregu që u ka bërtitur të rinjve: Mos e godisni, është femër.
Por kjo ndërhyrje nuk është mirëpritur nga mbështetësit demokratë që nisën t’ia shfaqin këtë pakënaqësi. Megjithatë një gjest me dorë i Berishës, qetësoi situatën dhe gruaja u largua nga turma.
(XH.A/SHUPLAKA)
[ngg_images source=”galleries” container_ids=”1271″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post