Ajo tashmë është një këngëtare mjaft e sukseshme, por në fillimet e karrierës së saj rrëfeu se gjithçka e bënte për mamin.
Kjo pasi ishte vetëm 14 vjeç, kur e ëma ju diagnostikua me kancer.
Tashmë Vera Ora, mamaja e Rita Orës ka rrëfyer se është krenare për sfidën që ka përballuar.
Me anë të një videomesazhi në rrjetet sociale, Ambasada e Republikës së Shqipërisë në Londër ka uruar dje Ditën Ndërkombëtare të gruas.
Në videomesazh shfaqen disa femra shqiptare, ndër to edhe mamaja e Rita Orës, e cila u këshillon të gjitha grave të bëjnë kontrollet e vazhdueshme dhe të kujdesen për shëndetin e tyre.
“Si mjeke dhe si grua e cila ka përballuar luftën me kancerin e gjirit, u drejtohem nënave dhe vajzave shqiptare: Kujdesuni për shëndetin tuaj dhe bëjini kontrollet paraprake rregullisht. Sot jam e lumtur që përballova këtë sfidë dhe duke mbështetur e orientuar drejt karrierës ndërkombëtare vajzën time, Rita Ora,”- përfundon Vera Ora.
(F.M/Faxweb)
Discussion about this post