Rei Manaj ka qënë padyshim protagonist kryesor i ndeshjes së sotme midis Pizës dhe Tërnanës në Serinë B.
Sulmuesi i cili ka dy ditë që është prezantuar tek zikaltrit, është vënë menjëherë nën urdhrat e Gatuzos.
Italiani ia ka besuar rolin e titullarit që në ndeshjen e parë dhe duket se kjo ka rezultuar mjaft pozitive për Manajn pasi është paraqitur jashtëzakonisht mirë, duke u bërë protagonist kryesor i fitores së Pizës.
Ai ka qënë një rrezik konstant për ekipin mik dhe po kombinohej mjaft mirë me shokët e skuadrës edhe pse ndoshta akoma nuk ka arritur t’i njohë plotësisht.
Por lushnjari ka humbur mundësinë ideale për ta nisur me gol këtë debutim në ekipin e ri, pasi në minutat e fundit, ka arritur të marrë një penallti pasi është penguar në zonën e rreptësisë.
Duke shikuar paraqitjen fantastike që po bëntë, trajneri Gatuzo ia ka besuar Manajt, gjuajtjen e penalltisë, por sulmuesi i Kombëtares Shqiptare ka gabuar nga pika e bardhë, sepse gjuajtja e tij shkoi shumë lart mbi katërkëndëshin e mbrojtur nga Di Genaro. (K.P/Shuplaka)
Discussion about this post