Ministria e Shëndetësisë dhe Mbrojtjes Sociale shprehet se Shqipëria është vend me rrezikshmëri të ulët për t’u prekur nga koronavirusi i ri i i identifkuar në Ëuhan, Kinë. Megjithatë, në zbatim të rekomandimeve të OBSh-së, Ministrja e Shëndetësisë dhe Mbrojtjes Sociale Ogerta Manastirliu ka nxjerrë një urdhër për marrjen e masave parapërgatitore, për t’u mbrojtur nga depërtimi i koronavirusit të ri, edhe pse duhet theksuar se, sipas OBSH jemi kushtet kur ende nuk ka të dhëna të qarta mbi mënyrën e transmetimit nga njeriu tek njeriu.
Sipas urdhrit të Ministrisë së Shëndetësisë, ISHP duhet të përforcojë survejancën e infeksioneve të rënda respiratore akute në bashkëpunim me të gjitha spitalet e vendit.
Urdhri specifikon që ISHP të përgatisë përkufizimin e rastit, udhëzimet për survejancën, hetimin epidemiologjik dhe menaxhimin e rasteve në përputhje me Rregulloren Ndërkombëtare të Shëndetit.
Mbi 10 qytete në Kinë me mbi 20 milionë banorë janë vendosur në izolim të plotë, ndërsa kanë vdekur dyshohet të paktën 26 persona të prekur nga koronavirusi i ri.
Gjithashtu ky virus i rrezikshëm dyshohet të ketë kapërcyer kufijtë e Kinës dhe të ketë kapërcyer në SHBA dhe Evropë.
