Edhe pse ekipi i Mourinhos është mundur nga Hull City me rezultatin 2-1, ai është kualifikuar për në finalen e “EFL Cup”, sepse rezultati i ndeshjes së parë i jep të drejtë që të kalojë më tej.
Ekipi i Hull City-t ka bërë të pamundurën që ta kthejë rezultatin e ndeshjes së parë e mbyllur 2-0 në “ Old Traford”. Ata kanë kaluar në avantazh me anë të një penalltie të ekzekutuar saktë nga Huddlestone në minutën e 35-të.
Por këtij goli i është përgjigjur pas 30 minutash Pogba. Ndërsa tigrat kanë kaluar sërish në avantazh në minutën e 85 nga Niasse duke e rihapur edhe një herë mundësinë për një kualifikim në finalen e “EFL Cup”, por nuk kanë mundur që të shënojnë më, sepse djajtë e kuq u mbrojtën mjaft mirë. Kështu Junajtid kualifikohet për në finalen e “EFL Cup”, ku e pret ekipi i Southamptonit që eleminoi një ditë më parë Liverpulin e Jurgen Klopit. Kjo finale mund t’i japë mundësinë Mourinhos që t’i fitojë trofeun e parë sezonal me ekipin e djajve të kuq. (K.P/Shuplaka)
