Manchester United ka shkatërruar ekipin e West Ham me rezultatin 4-0, duke u dhënë një sinjal të fortë kundërshtarëve për titull se nuk është skuadra e sezonit të kaluar.
Lojtari që shkëlqeu më shumë ishte Romelu Lukaku, duke realizuar dy herë në portën kundërshtare.
Lukaku ralizoi në minutën e 33-të pas një asisiti perfekt të Rashford, ndërsa ekzaktësisht 20 minuta më pas ishte radha e Mkhitaryan për të dhënë kontributin në golin e dytë personal të Lukakut.
Për të mbyllur në perfeksion takimin e parë të këtij kampionati mendoi Martial dhe më pas Pogba. Me golat e tyre vulosën përfundimisht shifrat përfundimtare të takimit.
Falë avantazhit për shkak të golave të shënuar, edhe pse me pikë të barabarta me Arsenalin dhe Sitin, United merr kryesimin e kampionatit që në javën e parë. (B.H/Shuplaka)
Discussion about this post