Ambasadori amerikan në Tiranë, Donald Lu, ka vlerësuar vendimin e Komisionit Qendror të Zgjedhjeve për heqjen e mandatit të dy deputetëve, Aqif Rakipit të PDIU-së dhe Gledjon Rehovicës së LSI-së. Dje, në një reagim të shkurtër për mediat.
Në reagimin e saj Ambasada Amerikane e ka quajtur pozitiv vendimin e Komisionit Qendror të Zgjedhjeve për heqjen e mandateve të dy deputetëve.
Sipas “Panorama” kur Prokuroria e Përgjithshme kërkoi më 26 dhjetor të vitit 2017 heqjen e mandateve për dy deputetët ambasadori Donald Lu, ka zhvilluar një takim informal me tre përfaqësuesit e partive politike në Shqipëri. Mësohet se Lu ka kërkuar nga drejtuesit e partive kryesore, që të zbatojnë ligjin e dekriminalizimit, duke pranuar kërkesën e Prokurorisë, vendim, që u materializua me votimin në një zë të përfaqësuesve të Partisë Demokratike dhe Partisë Socialiste në KQZ.
REAGIMI I AMBASADËS PËR DY MANDATET:
“Ambasada e SHBA mirëpret vendimin e sotëm (djeshëm) nga Komisioni Qendror i Zgjedhjeve për t’iu hequr mandatet Aqif Rakipit dhe Gledjon Rehovicës. Ky vendim është provë pozitive se procesi i rëndësishëm i dekriminalizimit, filluar në dhjetor 2015, vazhdon në Shqipëri”, thekson njoftimi zyrtar i Ambasadës së SHBA. (J.V/Faxweb)
