Kreu i Kuvendit Ilir Meta deklaron se mandatet e LSI-së në qeverisje ia ofron Partisë Demokratike, në mënyrë që ata të kenë besim në zhvillimin e zgjedhjeve të 18 qershorit.
Në këtë mënyrë ajo i hap rrugën krijimit të një qeverie teknike, kërkesë e opozitës prej më shumë se 40 ditësh.
“Qeveri e besimit për ne nuk duhet parë si çështje forme por si çështje përmbajtje, mund të jetë besimi nëse merr për të realizuar ato objektiva që unë përmenda, që administrata publike mos të jetë në presion për të blerë vota, policia e shtetit të mos jetë asnjanëse, të krimit të organizuar dhe rrezikut kriminal të blerjes së votave. Ne si LSI duam t’i lëmë në dispozicion të gjitha mandatet tona për një zgjidhje politike dhe kjo nuk do të thotë se kemi një formulë të paragjykuar, por kemi dëshirë dhe vullnet t’i themi të gjithëve për të reaguar.
Garancia e parë, ndryshimi i retorikës nga ana e drejtuesve të qeverisë dhe lidershipit të PS, edhe mund ta kritikojë, mund t’ja tolerojmë retorikën shpesh herë të papërgjegjshmë por përsa i takon raportit me zgjedjet është e papranueshme, nuk mund të vensodet opozita në ato kushte kur s’ka çfarë të humbasë.
Zgjedhjet nuk janë pronë as e pozitës as e opozitës por të të gjithë shqiptarëve, larg çdo presioni dhe imponimi jo demokratik.
Ne vëmë në dispozicion mandatet tona, në rast se opozita mendojnë se janë të mjaftueshme që ata të të kenë një rol në procesin e zgjedhjeve, do t’ja jepnin me shumë kënaqësi Partisë Demokratike, ndoshta kjo do të ishte një lloj mënyre për t’i dhënë një lloj qetësie, duke filluar nga ministria e drejtësisë. Padyshim e presupozon zotin Rama.”, tha Meta.
Ndër të tjera, Meta është përgjigjur edhe për darkën e mbrëmshme me kryeministrin Edi Rama, pas pyetjeve të gazetarëve.
“Është detyra jonë të gjejmë zgjidhje dhe të japim zgjidhje. Darka ka qenë informale, ne shkëmbejmë vendime vazhdimisht. Keni kaq kohë që na çmendët me pyetjet tuaja se çmendojmë ne për zgjedhjet dhe për koalicionin. Nuk kanë të bëjmë me fatin e qeverisë Rama apo Rama-Meta por me fatin e vendit. Ne shpresojmë dhe jemi kokë sepse afatet kanë ende kohë, kemi këtë qëndrim dhe e bëjmë publik sot.”, u përgjigj kreu i LSI-së. (D.D/Shuplaka)
