Mandati i të ndjerit Gjovalin Kadeli, ish-deputet i Partisë Demokratike, që ndërroi jetë pak muaj më parë do t’i kalojë një tjetër deputeti.
I ndjeri Kadeli ishte i 5 në listën e PD-së në Lezhë. Ndërsa pasuesi i tij në listë është Artan Bushi por ky i fundit ka refuzuar marrjen e këtij mandati. Në një shkresë drejtuar KQZ-së Bushi ka refuzuar marrjen e mandatit, shkruan “Panorama”.
KQZ ka vijuar me pasuesin e listës së zgjedhjeve të 2013-ës, duke ia propozuar këtë mandat kandidatit të 7-të në listë që është Zef Maçi.
Por Zef Maçi rezulton të jetë dënuar në vitin 2001 për pjesëmarrje në tubime të paligjshme, i dënuar me 5000 lekë gjobë, por sipas KQZ nuk e pengon të marrë mandatin e Gjovalin Kadelit.
Sjellim në vëmendje që ky mandat është vetëm për një muaj pasi në shtator krijohet qevria e re dhe hyjnë në parlament deputët e zgjedhur nga zgjedhjet e 25 qershorit. (J.V/Shuplaka)
Discussion about this post