Mandati i Petrit Vasilit, kush është kandidati që qëndroi ”pas derës” së KQZ-së

Pas dorëzimit të mandatit të deputetit nga Petrit Vasili, në mbështetje të vendimit unanim të marrë nga opozita e bashkuar për braktisjen e mandateve, duket se ka ndodhur një “përplasje‘’ për faktin se kush do ta zërë këtë pozicion nga lista e Fierit.

Me shpalljen e vakancës nga KQZ për pozicionin e deputetit të LSI Fier, Nihmet Musaj ka dorëzuar formularin e dekriminalizimit dhe është gati të bëhet pjesë e Kuvendit.

Nihmet Musaj është kantidati i katërt i LSI-së në listat zgjedhore për Fierin.

LSI ka marrë 2 deputet në Fier gjatë zgjedhjeve të 2017, ku përveç Petrit Vasilit, fitues ka qenë edhe Robert Bitri i cili iu bashkua grupit të deputetëve të PS-së.

Pas këtyre zhvillimeve, shkojnë në 16 të “pabindurit” ndaj opozitës, ndërsa sot me betimin, numri i anëtarëve të Kuvendit shkon në 93 ndërkohë që me dy të tjerë në pritje  95.

Kush është Nimet Musaj?

Sipas CV-së zyrare të dorëzuar në KQZ, Nimet Musaj është bashkuar me LSI-në në vitin 2015.

Musaj ka qenë anëtar i partisë çame (PDI).  Në vitin  2007 deri në vitin 2011, ai shkruan në CV se ka qenë kryetari i Grupit të Këshilltarëve të PDI-së, në Patos të Fierit.

Nimet Musaj në vitin 2009 ka kandiduar për herë të parë për deputet me Partinë Drejtësi Integrim me kryetarë në atë kohë, Tahir Muhedinin.

Në atë periudhë PDI nuk ishte bashkuar me forcën politike që drejtohej nga Shpëtim Idrizi, me inicialet (PDU).  Shkrirja e dy partive pra PDI dhe PDU, formoi në vitin 2011, Partinë Drejtësi Integrim dhe Unitet (PDIU).

Nimet Musaj, në vitin 2013 ai ka kandiduar me partinë rivale të Shpëtim Idrizit, pra Aleacën Popullore, partia e ‘fraksion’ e çamëve.
Aleanca Popullore ka patur në vitin 2013, kryetar Artur Dojakën, forcë politike që ishte në koalicion me PS-në.

Ndërkohë që në vitin 2011-2015 ai shkruan se është kthyer sërish tek PDIU dhe ka qenë kryetar i Grupit të Këshilltarëve të kësaj force politike në Bashkinë Fier.

Nimet Musaj në vitin 2015, ka kaluar me LSI-në, ku ka drejtuar Këshilltarët e Bashkisë së Fierit.

Nga 2016 e në vazhdim shkruan Nimet Musaj ka është anëtar i Komitetit Drejtues të LSI-së.