Manjani: Asgjë cilësore nuk po vjen, elitat ndryshojnë kur ikin kryetarët, jo anëtarët

Ylli Manjani, ish-ministri i Drejtësisë, është më aktiv se kurrë për çdo zhvillim që ndodh në politikë.

Dhe këtë mëngjes ka një përmbledhje të kuptueshme nga të gjithë ne, pas publikimit të listave të djeshme nga Partia Demokratike.

Sigurisht që Manjani ka shmangur komente për emra të përveçëm, duke thënë përmbledhtaz se asgjë cilësore nuk po vjen.

”Elitat ndryshojnë kur  ikin kryetarët dhe jo anëtarët! Por, politika jonë vijon të ecë me forcat e veta! Asgjë cilësore nuk po vjen!”, thekson Manjani.

Lulzim Basha vendosi që të lërë jashtë listës së kandidatëve për deputetë deputetë me peshë në PD si Jozefina Topalli, Astrit Patozi, Ridvan Bode, Majlinda Bregu etj. Risia qenë pedagogë dhe analistë si Valentina Duka, Orjola Pampuri, Preç Zogaj, Fitim Zekthi etj. (V.G/SHUPLAKA)