Djegia e mandateve nga ana e opozitës duket se ka shkaktuar një tërmet në deklaratat politike në vend, dhe pyetjes se çdo të ndodhë më pas nuk mund ti shpëtonte as presidenti i vendit Ilir Meta. I pyetur nga ana e DË në Gjermani, se ç’mendon për protestën dhe vendimin ekstrem të opozitës.
Meta tha se opozita duhet të bëjë një hap pas, ndërsa qeveria dy, për shkak se sipas tij vendimet ekstreme dëmtojnë integrimin. (LEXO KËTU)
Po kjo deklaratë e Metës duket se nuk i ka pëlqyer aspak ish-ministrit të LSI-së Ylli Manjani, i cili heq paralelizma mes Shqipërisë së sotme dhe Rusisë së Leninit.
‘’Paralele historike me “hapat para dhe pas”…
Lenini kur dha fund dhe asaj pak demokracie të brendshme në partine komuniste tha: le të bëjmë një hap para e dy hapa pas.
Presidenti i Republikës mendon se demokracia në Shqipërinë e sotme shpëton nëse bëjmë vetëm hapa pas”, shkruan Manjani në një postim në rrjetet sociale.
(E.K/FAXWEB.AL)
