Ish-ministri i Drejtësisë Ylli Manjani, ka reaguar lidhur me nismën më të fundit të qeverisë Rama II, për heqjen e dekoratave dhe titujve të nderit për ish-drejtuesit komunistë.
Manjani publikon një dekret i cili sipas tij zbulon lojën politike të kryeministrit Edi Rama. Manjani, i cili është edhe ekspert i fushës, shprehet se për heqjen e dekoratave nuk lind nevoja e një ligji, pasi një gjë e tillë mund të bëhet përmes një dekreti.
Dekreti tregon se si Sali Berisha, që në vitin 1995, në kohën kur ishte President, u ka hequr dekoratat dhe titujt e nderit ish-drejtuesve komunistë, duke nisur nga ish-diktatori Enver Hoxha.
“Ky dekret zbulon plotësisht lojën politike të Kryeministrit me nismën për heqjen e Dekoratave dhe Titujve të nderit ish -drejtuesve komunistë.
Pra nuk paska nevojë për një ligj sepse dekoarata qënkan hequr…
Në fakt dekoratat dhe titujt e nderit, hiqen ashtu si jepen, pra me akt individual dhe jo me ligj! Në këtë rast, nga ana formale ligjore dekreti është shumë më korrekt sesa heqja e tyre me nje ligj.
Përtej lojës politike, një nismë e tillë, pra e heqjes së të drejtave të fituara me ligj normativ, pra en block, është anti-kushtetuese dhe precedent shuuuuumë i rrezikshëm.
Me tē njejtën mënyrë qeveria dhe maxhoranca mund të heqë edhe tituj pronësie edhe të drejta të tjera që janë fituar në bazë të Kushtetutës dhe ligjeve… KUJDES!!!”, shkruan Manjani. (D.D/Shuplaka)
Discussion about this post