Duket se nuk do të kenë të sosur konfliktet tashmë të hapura mes kryeministrit Rama dhe ministrit të shkarkuar prej tij Ylli Manjani. Edhe mbrëmë gjatë intervistës me Ilva Taren Rama u shpreh se Manjani kishte thyer kodin etik të qeverisë prandaj edhe ishte shkarkuar. Mirëpo nuk ka munguar dhe reagimi i tashmë ish-ministrit Manjani i cili e ka quajtur një konfirmim të kryeministrit që nuk e sheh qeverinë si një institucion kushtetues.
Ndërsa në fund mes rreshtave dallohet edhe ironia apo nënkuptimi i një mesazhi dhe për kreun e LSI-së Meta, ku ka uruar një shërim sa më të shpejtë për koalicionin.
‘’Kryeministri e konfirmoi sonte në Tonight se nuk e sheh qeverinë si institucion kushetues e ligjor, por si një skuadër që kërcen kur e si do ai.
Parrulla të tipit “qeveria është e imja, penalltine e gjuaj unë” i përkasin vetëm filmave të Realizmit Socialist dhe jo realitetit demokratik! Jo për gjë po “penalltinë” që gjuajti për Hillarinë e humbi! E humbi në kurriz të interesit publik.
Ministri i Drejtësisë është mbrojtës i Kushtetutës dhe Ligjit dhe jo mbledhës topash që lëshon Kryeministri kuturu. Skuadra e Kryeministrit bën më mirë të zbatojë ligjin e të sillet si qeveri sesa të shkojë ashtu siç është në Prokurori!
Të paktën një gjë e mohoi, atë motivacionin qesharak…
Koalicionit ende i uroj “shërim të shpejtë”!’’, shkruan Manjani. (E.K/SHUPLAKA)
Discussion about this post