Pas vendimit të KQZ-së për të bllokuar pjesëmarrjen e LIBRA-s së Ben Blushit në Zgjedhje, ish-ministri Manjani shpërthen në akuza kundër kryeministrit Edi Rama.
“Propozimi më i fundit i Kryeministrit që KQZ të interpretojë Kodin Zgjedhor sipas qejfit të tij politik, është ligjërisht dhe demokratikisht I PA PRANUESHËM!”, shkruan ai në një njoftim në Facebook.
Të mërkurën e kaluar KQZ duhej të merrte një vendim mbi kërkesën e LIBRA-s për të marrë pjesë në zgjedhje, vendim të cilin e shtyu dhe më pas nxorri edhe udhëzimet e reja, të cilat duket sikur janë bërë enkas për t’i dalë kundër Blushit.
Sipas këtyre udhëzimeve, çdo parti që ka të paktën dy mandate në 6 muajt e fundit në Kuvend para zgjedhjeve, ka të drejtë të regjistrohet pa mbledhur 5 mijë firma. Por partia e Ben Blushit nuk e plotëson këtë kriter, kështu që duhet të kryetari duhet të mbledhë firmat e nevojshme për t’u regjistruar në KQZ.
Ish-ministri i Drejtësisë, i cilëson udhëzimet e reja me urdhër të Ramës, si antikushtetuese.
REAGIMI I PLOTË
“Miq,
Propozimi më i fundit i Kryeministrit që KQZ të interpretojë Kodin Zgjedhor sipas qejfit të tij politik, është ligjërisht dhe demokratikisht I PA PRANUESHËM!
Me pak fjalë, sipas Kryeministrit, mandati i deputetëve që kritikojnë atë dhe që largohen nga grupi i tij politik nuk vlen më ligjerisht! Kulmi! Kjo sjellje nuk është parë e as dëgjuar as në zgjedhjet e Marsit ’91!
Kjo sjellje politike ka precedentë vetëm në shtetet diktatoriale!
Kodi Zgjedhor në nenin 68 të tij ka përcaktuar shumë qartë kriterin që partia politike që ka të paktën një mandat deputeti në 6 muajt e fundit, nuk ka nevojë të mbledhë firma mbeshtetëse për kandidatët e saj.
Ben Blushi dhe Mimoza Hafizi kanë që sot më shumë se 6 muaj që nuk janë më anëtarë të grupit parlamentar të partisë së Kryeministrit! Sipas rregullores së Kuvendit në fillim të çdo legjislature bëhen edhe ndryshimet e grupeve Parlamentare dhe që vjet në tetor Ben Blushi dhe Mimoza Hafizi nuk janë më anëtarë të grupit të PS.
Sipas Kushtetutës mandati i deputetëve nuk lidhet me asnjë mandat detyrues. Pra askush nuk mund të detyrojë deputetin se si të flasë, votojë apo shprehet! Kjo do të thotë se mandati nuk hiqet/njihet edhe kur voton kundër partisë nga e cila e ke marrë atë mandat.
Gjithashtu, po sipas Kushtetutës, mandati i deputetëve mbaron në mënyrë normale vetëm kur mbaron mandati i Kuvendit. Mandati i këtij Kuvendi mbaron me 9 shtator të këtij viti. Pra nuk mbaron as me 18 Qershor e as me 28 Prill siç propozon Kryeministri i KQZ!
Nga ky rregull kushtetues nuk bën perjashtim Ben Blushi e as Mimoza Hafizi! Edhe atyre mandati ju mbaron si gjithë të tjerëve, përfshi dhe mandatin e vetë deputetit Kryeministër!
KQZ-së i ka mbërritur një projekt-udhëzim që e lidh mandatin me data të sajuara! Ky udhëzim nuk ka asnjë lidhje as me Kodin Zgjedhor e as me Kushtetutën!
Ka lidhje me Ben Blushin dhe me Mimoza Hafizin dhe me aktivitetin e tyre politik. Ka lidhje me hakmarrjen primitive politike të Kryeministrit!
Nuk bllokohen sot kundërshtarët të konkurrojnë! Diktatura e Proletariatit është rrëzuar njëherë e mirë nga sistemi politik dhe juridik i Shqipërisë.
Prandaj i sugjeroj KQZ të respektojë kushtetutën dhe ligjin e jo udhëzimet e diktaturës së proletariatit të Kryeministrit!
Duhet rrefuzuar ai palo Udhëzim!”, (D.D/Shuplaka)
Discussion about this post