Ish-ministri i Drejtësisë Ylli Manjani, ka reaguar pas deklaratës së ambasadës së SHBA-ve në Tiranë, se ka përpjekje për të dobësuar Reformën në Drejtësi.
“Po, ka të drejtë ambasada Amerikane! Reforma rrudhet nëse PS e PD bëhen bashkë. SPAK-u është “vdekjeprurës” për zullumqarët e çdo kohe!”, reagon Manjani.
Pak orë më parë, ambasada Amerikane në Tiranë ka reaguar pasi para pak ditësh Unioni i Gjyqtarëve ka ankimuar në Kushtetuese në fshehtësi ligjin e vettingut.
Ambasada përmes një deklarate për mediat i dërgon një mesazh Kushtetueses që ta shqyrtojë këtë kërkesë të gjyqtarëve me transparencë.
“Ambasada e SHBA mbështet deklaratat në mbështetje të reformës në drejtësi nga udhëheqësit e tri partive politike më të mëdha në vend. Ata kanë të drejtë kur thonë se reforma në drejtësi do të ecë përpara, por populli shqiptar duhet të shqetësohet nga përpjekjet për të dobësuar reformën, për të mbrojtur gjykatës dhe prokurorë të korruptuar, përfshirë ata që kanë lidhje me krimin e organizuar. Vetingu duhet të jetë i fortë dhe kuptimplotë, sepse elementët kryesorë anti-korrupsion të reformës, përfshirë SPAK-un dhe BKH-në, varen nga gjykatës dhe prokurorë të ndershëm.
Ne nxisim Gjykatën Kushtetuese që të shqyrtojë ankesat në mënyrë të hapur dhe transparente, duke u mbështetur në rekomandimet e Komisionit të Venecias. Ne përgëzojmë qytetarët shqiptarë, shoqërinë civile dhe median e pavarur, që vazhdojnë të jenë syhapur që njerëzit e korruptuar të mos ua vjedhin demokracinë e tyre.”, thuhet në deklaratën e ambasadës. (D.D/Shuplaka)
Discussion about this post