Ish-ministri i Drejtësisë ka reaguar me një status në rrjetin social në Facebook në lidhje me një deklaratë të Kryeministrit ku ky i fundit komentoi një letër të Presidentit Meta drejtuar Presidentit të Komisionit Europian për hapjen e negocitave me Shqipërinë.
Ai e quan të pavend justifikimin e Kryeministrit ku le të kuptohet se Meta po ndikon në një përgjigje negative për Shqipërinë.
Manjani thotë se Komisioni e ka marrë tashmë vendimin e tij dhe nuk ndikohet nga deklaratat në Shqipëri.
Reagimi i Manjanit:
“Që të merremi vesh.
Reagimi i Kryeministrit për një letër që paska shkruar Presidenti Komisionit Europian, është i pavend!
Ndoshta për konsum politik të brendshëm, meqë Ai është në fushatë elektorale mund të ketë kuptim. Por llogjikë nuk ka.
Komisioni Europian e ka dhënë tashmë rekomandimin e tij, ndaj ajo letër që ka shkruar Presidenti (personalisht nuk e di se cfarë është), nuk ka asnjë shanc të ndikojë më tek rekomandimi i dhënë.
Its over, sa i takon Komisionit. Në fakt komisioni ka 4 vitë që të njëjtin rekomandim bën…
As letra, sado dashakeqëse të ketë qenë e as reagimi thellësisht dashakeqes i Kryeministrit ndaj Presidentit, nuk e ndryshojnë dot rekomandimin e Komisionit.
Çështja reale është se ç’farë mendojnë shtetet anëtare?! Me ato si do bëjnë Kryeministri dhe Presidenti së bashku..!
Deri tani kemi kuptuar që Bundestagu vetëm po shton kushte. Parlamenti Hollandez gjithashtu… ky është halli që duhet të zgjidhë me përparësi Kryeministri dhe jo të bëjë fushatë për veten e vet”.
