Ish-ministri i Drejtësisë, Ylli Manjani, ka reaguar sërish lidhur me frekuentimin e tij tek “Santa Quaranta” pas deklaratës më të fundit të nipit të të shumëkërkuarit Klement Balili.
Një ditë më parë, Rigels Balili, u shpreh ndër të tjera se Manjani ka qenë i vetmi ministër që frekuentonte kompleksin.
“Kam qenë, por jo me dashnoren. Kam qenë në kafen e resortit, sepse kam shtëpinë afër hotelit në Sarandë. Nuk është e paligjshme të shkosh edhe me të dashurat.”, është shprehur ai për dritare.net.
Të hënën, Ylli Manjani deklaroi gjatë një interviste, se për shkak të detyrës, i kishin rënë në dorë video të ministrave me të dashurat e tyre, në Santa Quaranta. (XH.A/SHUPLAKA)
Discussion about this post