Ish ministri i Drejtësisë Ylli Manjani ka ironizuar Gramoz Ruçin pas deklaratës së këtij të fundit ditën e djeshme. Sipas Manjanit shkarkimi i Presidentit të Republikës vendoset nga 93 deputetë.
“Nuk e di për kushtetutën e Fierit, por ajo Shqipërisë thotë se: Shkarkimi i Presidentit të Republikës vendoset nga 93 deputetë.”, shprehet Ylli Manjani.
Sjellim në vëmendje që vetëm një ditë më parë Gramoz Ruçi ka theksuar se nëse Ilir Meta si president shkel Kushtetutën duke mos dekretuar qeverinë e re, do të shkarkohet nga ky post.
“Çfarë faji i kanë socialistët Ilir Metës. PS e mori Metën 22 vjeç dhe e bëri deputet. PS e mori pa librezë pune. Pa mbushur 30 vjeç e bëmë kryeministër. Nëse Ilir Meta si president shkel Kushtetutën duke mos dekretuar qeverinë e re, do të shkarkohet nga ky post. Partia Socialiste i ka dhënë gjithçka Metës, por njeri nuk e bëmë dot”, u shpreh Ruçi. (J.V/Shuplaka)
