Ministri i Drejtësisë, Ylli Manjani, ka folur për një sërë çështjes I ftuar mbrëmjen e djeshme në emisionin “Top Story”. Gjatë intervistës, u fol për çështje të tilla si trafiku i drogës në vend, Klement Balili dhe vazhdimësia e koalicionit qeveritar për të cilin ministri u shpreh se do të jenë forumet ato që do të vendosin.
Teksa po fliste për Klement Balilin, për të cilin theksoi se kishte kërkuar prej kohësh arrestimin, ai foli për masat e marra ndaj përdoruesve dhe kultivuesve të vegjël të drogës që janë dënuar në ndryshim nga Klement Balili që endet i lirë.
Manjani tha se ka shumë padrejtësi të tilla. Ai tregoi se është gjithashtu e padrejtë që ka ende kryetar bashkish në detyrë që kanë shitur femra.
“Ka plot padrejtësi të tilla. Një kryetar bashkie që është në burg tek Krimet e Rënda, se i kërkoi një vajze diçka dhe kemi dhe kryetar bashkie që kanë shit femra dhe janë në detyrë.”, tha Manjani duke iu referuar rastit të Shukri Xhelilit dhe një kryetari bashkie emri i të cilit nuk dihet. (XH.A.SHUPLAKA)
Discussion about this post