Ish-ministri i Drejtësisë, Ylli Manjani, ka këshilluar këtë mëngjes të gjithë ata që shajnë, që nuk duan të shikojnë e mendojnë por vetëm të shajnë dhe ata që paguhen për të sharë e që sipas tij duhen dënuar.
Ky reagim i tij vjen pas deklaratave të forta bërë kryesisht nga deputetë të ndryshëm të partive kundërshtare, por edhe mes atyre në këtë koalicion qeverisës.
Duke iu drejtuar këtyre kategorive, ai shprehet se sharjet e tyre janë një hiç me xhufkë, baltë e shkumë e çuar dëm, e nuk duhet të harrojnë që nuk kanë asgjë në dorë. Duke iu uruar shëndet mbi të gjitha, ai thekson që të mos çuditen nga kundërpërgjigja e lirisë së tjetrit.
Reagimi i Ylli Manjanit:
Sa keq!
Kursejini sharjet ndaj njeri-tjetrit për politikë, o njerez! Baltë e shkumë e çuar dëm dhe e destinuar të pastrohet nga ju që e lëshoni!
Vendimet nuk i merrni ju që shani. I marrin të tjerët në emrin tuaj. Doni të shfryni, bëjeni por, mos mendoni se ju pyesin!
Nuk ju kanë pyetur asnjëhere. Por ju që mendoni se duke sharë dikë me fjalë rrugaçërie, i shërbeni partisë ku militoni, e keni gabim! Partia ju lë në baltë.
Prandaj bëhuni më të mënçur sesa thjesht sharës! Kthejeni të sharën në mendim dhe mendimin shpreheni në VOTË! Është më mirë kështu!
Ju që doni të shpreheni, mundohuni ta ktheni të sharën në mendim kritik mbi idetë e mendimet e hedhura. Provojeni se do ndjeni me shumë kënaqësi!
Ju të tjerët që nuk doni të shikoni, dëgjoni e aq më pak të mendoni, por thjesht doni të shani, jepini! Shani se jeni të pa shpresë!
Ndërsa ju që paguheni nga taksat për të shërbyer dhe bëheni sharës me pagesë, duheni dënuar! Shefat tuaj të parët, por edhe ju burracake e parazitë!
Në fund të fundit, ju sharësit, jeni shumë pak! Sharja juaj është një hiç me xhufkë! Ata që dalin në publik dhe flasin nuk ju llogarisin! Ju konsiderojnë MJERANË e militantë të pa shpresë!
Të sharë të mbarë! Por mos harroni: nuk keni asgjë në dorë! Nëse doni të keni gjë në dorë (madje edhe duart tuaja), mendoni më mirë!
Më në fund farë bëni çtë doni, si njerëz të lirë! Por mos u çudisni nga kundërpërgjigja e lirisë së tjetrit!
Shendeti mbi të gjitha!
(XH.A/SHUPLAKA)
Discussion about this post